Die 4 Septembris
S. Rosæ Viterbiensis, Virginis

Missa Diléxisti de Communi Virginum 3° loco præter orationem sequentem

Oratio (P):

Deus, qui beátam Rosam sanctárum tuárum Vírginum collégio aggregáre dignátus es: tríbue nobis quǽsumus; ut ejus précibus et meritis a culpis ómnibus expiemur, et tuæ majestátis consórtio perfruámur ætérno. Per Dóminum.

Secreta (C):

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóm.

Praefatio Communis

Postcommunio (C):

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.