Die 1 Novembris
In Festo Ómnium Sanctórum
Introitus: Sedulius
Gaudeámus omnes in Dómino, diem festum celebrántes sub honóre Sanctórum ómnium: de quorum solemnitáte gaudent Angeli, et colláudant Fílium Dei. [Ps. xxxii: 1] Exsultáte, justi, in Dómino: rectos decet collaudátio. v. Gloria Patri,
Oratio:
Omnípotens sempitérne Deus, qui nos ómnium sanctórum tuórum mérita sub una tribuísti celebritáte venerári: quǽsumus, ut desiderátam nobis tuæ propitiatiónis abundántiam, multiplicátis intercessóribus largiáris. Per Dóminum.
Apoc. vii: 2-12
Léctio libri Apocalýpsis beáti Joánnis Apóstoli:
In diébus illis: Ecce ego Joánnes vidi álterum Angelum ascendéntem ab ortu
solis, habéntem signum Dei vivi: et clamávit voce magna quátuor Angelis
quibus datum est nocére terræ et mari, dicens: Nolite nocére terræ, et mari,
neque arbóribus, quoadúsque signémus servos Dei nostri in fróntibus eórum.
Et audívi númerum signatórum centum quadragínta quátuor míllia signáti ex
omni tribu filiórum Israël. Ex tribu Juda duódecim míllia signáti. Ex tribu
Ruben duódecim míllia signáti. Ex tribu Gad duódecìm míllia signáti. Ex
tribu Aser duódecim míllia signáti. Ex tribu Néphthali duódecìm míllia
signáti. Ex tribu Manásse duódecim míllia signáti. Ex tribu Símeon
duódecim míllia signáti. Ex tribu Levi duódecim míllia signáti. Ex tribu
Issachar duódecim míllia signáti. Ex tribu Zábulon duódecim míllia
signáti. Ex tribu Joseph duódecim míllia signáti. Ex tribu Bénjamin
duódecim míllia signáti. Post hæc vidi turbam magnam, quam dinumeráre nemo
póterat, ex omnibus géntibus, et tríbubus, et pópulis, et linguis: stantes
ante thronum, et in conspéctu Agni, amícti stolis albis, et palmæ in mánibus
eórum et clamábant voce magna, dicéntes: Salus Deo nostro, qui sedet super
thronum, et Agno. Et omnes angeli stabant in circúitu throni et seniórum et
quátuor animálium: et cecidérunt in conspéctu throni in facies suas, et
adoravérunt Deum dicéntes: «Amen. Benedíctio et cláritas, et sapiéntia et
gratiárum actio, honor, et virtus, et fortitúdo Deo nostro, in sǽcula sæculórum.
Amen.»
Graduale: Ps. xxxiii: 10 et 11
Timéte Dóminum, omnes sancti ejus: quóniam nihil deest timéntibus eum. v.
Inquiréntes autem Dóminum non defícient omni bono.
Allelúja, allelúja. [Matth. xi: 28] Venite ad me, omnes qui laborátis et
oneráti estis, et ego refíciam vos. Allelúja.
Matth v: 1-12
+
Sequéntia sancti Evangélii secúndum Matthǽum
In illo témpore: Videns Jesus turbas, ascéndit in montem, et cum sedísset,
accessérunt ad eum discípuli ejus, et apériens os suum, docébat eos, dicens:
«Beáti páuperes spírítu: quóniam ipsórum est regnum cælórum. Beáti
mites: quóniam ipse possidébunt terram. Beáti qui lugent: quóniam ipsi
consolabúntur. Beáti qui esúriunt et sítiunt justítiam: quóniam ipse
saturabúntur. Beáti misericórdes: quóniam ipsi misericórdiam consequéntur.
Beáti mundo corde: quóníam ipsi Deum vidébunt. Beati pacífici: quóniam
fílii Dei vocabúntur. Beáti qui persecutiónem patiúntur propter justítiam:
quóniam ipsórum est regnum Coelorum. Beáti estis cum maledíxerint vobis, et
persecúti vos fúerint, et díxerint omne malum advérsum vos mentiéntes,
propter me: gaudéte et exsultáte quóniam, merces vestra copiósa est in
cælis.»
Credo.
Offertorium: Sap. iii: 1, 2, et 3
Justórum ánimæ in manu Dei sunt: et non tanget illos torméntum malítiæ: visi sunt óculls ínsipiéntium mori, illi autem sunt in pace, allelúja.
Secreta:
Múnera tibi Dómine, nostræ devotiónis offérimus: quæ et pro cunctórum tibi grata sint honóre justórum, et nobis salutária, te miseránte, reddántur. Per Dóminum.
Communio:
Beáti mundo corde: quóniam ipsi Deum vidébunt: beáti pacífici, quóniam fílii Dei vocabúntur. Beátí qui persecutíónem patiúntur propter justítiam, quóniam ipsórum est regnum cælórum.
Postcommunio
Da quǽsumus, Dómine, fidélibus pópulis ómnium Sanctórum semper veneratióne lætári: et eórum perpétua supplicatióne muníri. Per Dóminum.
Infra Octavam Missa ut in Festo, et pro
Orationibus juxta diversitatem Temporum assignatus dicitur
2° de Spíritu Sancto; 3° contra persecutores
Ecclésiæ,
vel 3° pro Papa.
