Die 19 Junii
S. Julianæ de Falconeriis
Virginis

Missa Dilexísti, de Communi Virginis 3° loco, præter Orationem sequentem:

Oratio:

Deus, qui beátam Juliánum Vírginem tuam extrémo morbo laborántem, pretióso Fílii tui córpore mirabíliter recreáre dignátus es: concéde, quǽsumus; ut, ejus intercedéntibus méritis, nos quoque eódem in mortis agóne refécti ac roboráti, ad cæléstem pátriam perducámur. Per Dóminum.

Et fit Commemoratio Ss. Gervasii et Protasii, MM.

Deus, qui nos ánnua sanctórum Mártyrum tuórum Gervásii et Protásii solemnitáte lætíficas: condéde propítius; ut, quorum gaudémus méritis, accendámur exémplis. Per Dóminum.

Secreta:

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóminum.

Pro Ss. Martýribus

Oblátis quǽsumus, Dómine, placáre munéribus: et intercedénttibus sanctis Martýribus tuis, a cunctis nos defénde perículis. Per Dóminum.

Praefatio Communis

Postcommunio:

Satiáti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.

Pro Ss. Martýribus

Hæc nos commúnio, Dómine. purget a crímine: et, intercédentibus sanctis Martýribus tuis Gervásio et Protásio, cæléstis remédii fáciat esse consórtes. Per Dóminum