Die 10 Februarii
S. Scholasticæ, Virginis

Missa Dilexísti de Communi Virginum 3° loco præter Orationem sequentem

Deus, qui ánimam beátæ Vírginis tuæ Scholásticæ ad ostendéndam innocéntiæ viam in colímbæ spécie cælum penetráre fecísti : da nobis ejus méritis et précibus ita innocénter vívere, ut ad ætérna mereámur gaúdia perveníre. Per Dóminum.

Et, in Quadragesima, fit Commemoratio Feriæ.

Secreta:

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóminum.

Et, in Quadragesima, fit Commemoratio Feriæ.

Praefatio Communis

Postcommunio:

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.

Et, in Quadragesima, fit Commemoratio Feriæ.