Missæ de Sancta María in Sabbato quæ dici etiam possunt aliis diebus ut votivæ de B. Maria Virg., juxta Rubricas ve, ex indulto, pro Temporum diversitate Index: Missa I: a Feria II post Dominicam I Adventus ad diem 23 Decembris Missa II: a Sabbato post Octavam Epiphaniæ usque ad Sabbatum ante Purificationem B.M.V. Missa III: a Sabbato post Purificationem B.M.V. usque ad Sabbatum post Dominicam Sexagesimæ Missa IV: a Sabbato post Dominicam in Albis usque ad Sabbatum post Dominicam IV post Pascha Missa V: a Sabbato post Octava Sacratissimi Cordis Jesu usque ad Sabbatum ante Dominicam I Adventus. In Sabbato non impedito vel, in Missis votivis, a Feria II post Dominicam I Adventus usque ad diem 23 Decembris inclusive, juxta Rubricas; et, ex indulto, toto Tempore Adventus. Introitus: Isai. vl: 8 Roráte cæli désuper, et nubes pluant justum: aperiátur terra, et gérminet Salvatórem. [Ps. xviii: 2] Benedixísti, Dómine, terram tuam: avertísti captivitátem Jacob. Glória Patri. Roráte. Et in Sabbato dicitur Glória in excélsis. Oratio: Deus, qui de beatæ Maríæ Vírginis útero Verbum tuum, Angelo nuntiante, carnem suscípere voluísti: præsta supplícibus tuis; ut, qui vere eam Genetrícem Dei crédimus, ejus apud te intercessiónibus adjuvémur. Per eúmdem Dóminum. 2° de Feria; 3° de Spíritu Sancto Isai. vii: 10-15 Léctio Isaíæ Prophétæ. Graduale: Ps. xxiii: vi Tóllite portas príncipes,
vestras: et elevámini, porte æternáles: et introíbit Rex glóriæ. [Ibid.,
3-4] Quis ascéndet in montem Dómini? aut quis stabit in loco sancto ejus?
Innocens mánibus et mundo corde. Luc. xi: 27-28 In illo témpore: Missus est Angelus Gábriel a Deo in civitátem Galilǽæ, cui nomen Názereth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit: «Ave grátia plena: Dóminus tecum: benedícta tu in muliéribus.» Quæ cum audísset, turbáta est in sermóne ejus: et cogitábat qualis esset ista salutátio. Et ait Angelus ei: «Ne tímeas, María, invenísti enim grátiam apud Deum: ecce concípies in útero, et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David patris ejus: et regnábit in domo Jacob in ætérnum, et regni ejus non erit finis.» Dixit autem María ad Angelum: «Quómodo fiet istud, quóniam virum non cognósco?» Et respóndens Angelus, dixit ei: «Spíritus Sanctus supervéniet in te, et virtus Altíssimi obumbrábit tibi. Ideóque et quod nascétur ex te Sanctum vocábitur Fílius Dei. Et ecce Elísabeth cognáta tua, et ipsa concépit fílium in senectúte sua: et hic mensis sextus est illi, quæ vocátur stérilis: qui non erit impossíble apud Deum omne verbum.» Dixit autem María: «Ecce ancílla Dómini, fiat mihi secúndum verbum tuum.» Offertorium: Luc. i: 28 et 42. Ave María, grátia plena: Dóminus tecum: benedícta tu in muliéribus et benedíctus fructus ventris tui. Secreta: In méntibus nostris, quæsumus, Dómine, veræ fídei sacraménta confirma: ut, qui concéptum de Vírgine Deum verum et hóminem confitémur; per ejus salutíferæ resurrectiónis poténtiam, ad ætérnam mereámur perveníre lætítiam. 2° de Feria; 3° de Spíritu Sancto Præfátio de B. María Vírg. "Et te in Veneratióne." Communio: Isai. vii: 14 Ecce virgo concípiet et páriet fílium, et vocábitur nomen ejus Emmánuel. Postcommunio: Grátiam tuam, quǽsumus, Dómine, méntibus nostris infúnde: ut qui, Angelo nuntiánte, Christi Fílii tui incarnatiónem cognóvimus; per passiónem ejus et crucem, ad resurrectiónis glóriam perducámur. 2° de Feria; 3° de Spíritu Sancto A Sabbato post Octavam Epiphaniæ usque ad Purificationem B. Mariæ Virg.vel, in Missis votivis, a die 26 Decembris usque ad diem 1 Februarii inclusive, juxta Rubricas; et, ex indulto, ad Purificationem B. Mariæ Virg. pariter inclusive. Introitus: Ps.xliv: 13, 15, et 16 Vultum Tuum deprecabúntur omnes dívites plebis: adducéntur Regi vírgines post eam: próximæ ejus adducéntur tibi in lætítia et exsultatióne. [Ps. ibid., 2] Eructávit cor meum verbum bonum: dico ego ópera mea Regi. v. Glória Patri. Vultum tuum. Et in Sabbato dicitur Glória in excélsis. Oratio: Deus, qui salútis ætérnæ, beatæ Maríæ virginitáte fœcúnda, humáno géneri prǽmia præstitísti: tríbue, quǽsumus; ut ipsam pro nobis intercédere sentiámus, per quam merúimus auctórem vitæ suscípere, Dóminum nostrum Jesum Christum Fílium tuum: qui tecum. 2° de Spíritu Sancto; 3° contra Persecutores Ecclesiæ, vel pro Papa Titus iii: 4-7 Léctio Epístolæ beáti Pauli Apóstoli ad Titum. Graduale: Ps. xxxxiv: 3 Speciósus forma præ fíliis
hóminium: diffúsa est grátia in lábiis tuis. v.
Eructávit cor meum verbum bonum: dico ego ópera mea Regi: lingua mea cálamus
scribæ, velóciter scribéntis. Tractus Gaude, María Virgo, cunctas hǽreses sola interemísti. Quæ Gabriélis Archángeli dictis credidísti. Dum Virgo Deum et hóminem genuísti: et post partum, Virgo invioláta permansísti. v. Dei Génitrix, intercéde pro nobis. Luc. ii: 15-20 In illo témpore: Pastóres loquebántur ad ínvicem: Transeámus usque Béthlehem, et videámus hoc verbum, quod factum est, quod Dóminus osténdit nobis. Et venérunt festinántes: et invenérunt Maríam, et Joseph, et infántem pósitum in præsépio. Vidéntes autem cognovérunt de verbo, quod dictum erat illis de púero hoc. Et omnes, qui audiérunt, miráti sunt et de his quæ dicta erant a pastóribus ad ipsos. María autem conservábat ómnia verba hæc, cónferens in corde suo. Et reversi sunt pastóres glorificántes, et laudántes Deum in ómnibus, quæ audíerant, et víderant, sicut dictum est ad illos. Offertorium Felix namque es, sacra Virgo María, et omni laude digníssima: quia ex te ortus est sol justítiæ, Christus Deus noster. Secreta: Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Præfátio de B. María Vírg. "Et te in Veneratióne." Communio: Ps. l: 21 Beáta víscera Maríæ Vírginis quæ portavérunt ætérni Patris Fílium. Postcommunio: Hæc nos commúnio, Dómine, purget a crímine: et, intercedénte beata Vírgine Dei Genetríce María, cæléstis remédii faciat esse consórtes. Per Dóminum. 2° de Spíritu Sancto; 3° contra Persecutores Ecclesiæ, vel pro Papa A Sabbato post Purificationem B. Mariæ Virg.usque ad Sabbatum post Dominicam Sexagesimæ vel, in Missis votivis, post Purificationem B. Mariæ Virg. usque ad Sabbatam post Dominicam Passionis inclusive, juxta Rubricas; et, ex indulto, ad Feriam IV Majoris Hebdomadæ pariter inclusive. Introitus: Sedulius et Ps. xliv: 2 Salve sancta Parens, eníxa puérpera Regem qui cælum terrámque regit in sǽcula sæculórum. [Ps. xliv 2] Eructávit cor meum verbum bonum dico ego ópera mea Regi. Glória Patri. Salve. Et in Sabbato dicitur Glória in excélsis. Oratio: Concéde nos fámulos tuos, quæsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Ecclesiasticus xxiv: 14-16 Léctio libri Sapiéntiæ. Graduale Benedícta et venerábilis
es, Virgo María quæ sine tactu pudóris invénta es mater Salvatóris. [V]
Virgo Dei Génitrix, quem totus non capit orbis in tua se clausit víscera
factus homo. Post Septuagesima, omissis Allelúja, et Versu sequenti,
dicitur: Gaude María Virgo, cunctas hǽreses sola interemísti. Quæ Gabriélis Archángeli dictis credidísti. [V] Dum Virgo Deum et hóminem genuísti: et post partum, Virgo, invioláta permansísti [V] Dei Génitrix, intercéde pro nobis. Luc. xi: 27-28 In illo témpore: Loquénte Jesu ad turbas, extóllens vocem quædam múlier de turba, dixit illi: «Beátus venter, qui te portávit, et úbera quæ suxísti.» At ille dixit: «Quinímmo beáti, qui áudiunt verbum Dei, et custódiunt illud.» Offertorium: Felix namque es, sacra Virgo María, et omni laude digníssima: qui ex te ortus est sol justítiæ. Secreta: Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Præfátio de B. María Vírg. "Et te in Veneratióne." Communio: Ps. l: 21 Beáta víscera Maríæ Vírginis quæ portavérunt ætérni Patris Fílium. Postcommunio: Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestáti. Per Dominum. 2° de Spíritu Sancto; 3° contra Persecutores Ecclesiæ, vel pro Papa A Sabbato post Dominicam in Albis usque ad Sabbatum ante Dominicam IV post Pascha vel, in Missis votivis, a Feria IV post Pascha usque ad Sabbatam infra Octavam Pentecostes inclusive, juxta Rubricas; et, ex indulto, toto Tempore Paschali. Introitus: Sedulius et Ps. xliv: 2 Salve sancta Parens, eníxa puérpera Regem qui cælum terrámque regit in sǽcula sæculórum. Allelúja, allelúja [Ps. xliv 2] Eructávit cor meum verbum bonum dico ego ópera mea Regi. Glória Patri. Salve. Et in Sabbato dicitur Glória in excélsis. Oratio: Concéde nos fámulos tuos, quæsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Ecclesiasticus xxiv: 14-16 Léctio libri Sapiéntiæ. Allelúja, allelúja. [V. Num. xvii: 8] Virga Jesse flóruit. Virgo Deum et hóminem génuit: pacem Deus réddidit, in se reconcílians ima summis. Allelúja. [V. Luc. i: 28] Ave María, grátia plena: Dóminus tecum: benedícta tu in muliéribus. Allelúja. Joann. xix: 25-27 In illo témpore: Stabant juxta crucem Jesu mater ejus, et soror matris ejus, María Cléophæ, et María Magdaléne. Cum vidísset ergo Jesus matrem, et discípulum stantem, quem diligébat, dicit matri suæ: «Múlier ecce fílius tuus.» Deínde dicit discípulo: «Ecce mater tua.» Et ex illa hora accépit eam discípulus in sua. Offertorium: Beáta es, Virgo María, quæ ómnium portásti Creatórem: genuísti qui te fecit, et in ætérnum pérmanes Virgo, allelúja. Secreta: Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Præfátio de B. María Vírg. "Et te in Veneratióne." Communio: Ps. l: 21 Beáta víscera Maríæ Vírginis quæ portavérunt ætérni Patris Fílium. Allelúja Postcommunio: Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestáti. Per Dominum. 2° de Spíritu Sancto; 3° contra Persecutores Ecclesiæ, vel pro Papa A Sabbato post Octava Sanctissimi Cordis Jesu usque ad Sabbatum ante Dominicam I Adventus vel, in Missis votivis, a Feria II post Festum Ssmæ Trinitatis, et, ex indulto, a Festo ejusdem Ssmæ Trinitatis usque ad Sabbatum ante Dominicam I Adventus. Introitus: Sedulius et Ps. xliv: 2 Salve sancta Parens, eníxa puérpera Regem qui cælum terrámque regit in sǽcula sæculórum. [Ps. xliv 2] Eructávit cor meum verbum bonum dico ego ópera mea Regi. Glória Patri. Salve. Et in Sabbato dicitur Glória in excélsis. Oratio: Concéde nos fámulos tuos, quæsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Ecclesiasticus xxiv: 14-16 Léctio libri Sapiéntiæ. Graduale Benedícta et venerábilis
es, Virgo María quæ sine tactu pudóris invénta es mater Salvatóris. [V]
Virgo Dei Génitrix, quem totus non capit orbis in tua se clausit víscera
factus homo. Luc. xi: 27-28 In illo témpore: Loquénte Jesu ad turbas, extóllens vocem quædam múlier de turba, dixit illi: «Beátus venter, qui te portávit, et úbera quæ suxísti.» At ille dixit: «Quinímmo beáti, qui áudiunt verbum Dei, et custódiunt illud.» Offertorium: Luc. i: 28 et 42. Ave María, grátia plena: Dóminus tecum: benedícta tu in muliéribus et benedíctus fructus ventris tui. Secreta: Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum. 2° de Spíritu Sancto; 3° contra Persecutores Ecclesiæ, vel pro Papa Præfátio de B. María Vírg. "Et te in Veneratióne." Communio: Ps. l: 21 Beáta víscera Maríæ Vírginis quæ portavérunt ætérni Patris Fílium. Postcommunio: Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestáti. Per Dominum. 2° de Spíritu Sancto; 3° contra Persecutores Ecclesiæ, vel pro Papa Si tamen Missa de sancta Maria in Sabbato dici debeat infra Octavas simplices ejusdem beatæ Mariæ Virginis, dicitur ut in Festo respectivo, cum 2° tamen et 3° Oratione ut supra pro diversitate Temporum notantur et sine Credo, juxta Rubricas.
|