Die 22 Septembris
S. Thomæ de Villanova,
Episcopi et Confessoris
Missa Statuit
de Communi Confessoris Pontificis 1° loco cum orationibus ut infra:
Oratio (P):
Deus, qui beátum Thomam Pontíficem insígnis
in páuperes misericórdiæ virtúte decorásti: quǽsumus; ut, ejus
intercessióne, in omnes, qui te deprecántur, divítias misericórdiæ tuæ
benígnus effúndas. Per Dóminum.
Et fit Commemoratione (P) Ss. Mauritii et Sociórum, MM.
Annue, quǽsumus, Dómine, omnípotens
Deus: ut sanctórum Mártyrum tuórum Maurítii et Sociórum ejus nos
lætíficet festíva solémnitas; ut, quorum suffrágiis nítimur, eórum
natalítiis gloriémur. Per Dóminum.
Secreta (P):
S ancti Thomæ Confessóris tui atque Pontíficis,
quǽsumus, Dómine, ánnua solémnitas pietáti tuæ nos reddat accéptos:
ut, per hæc piæ placatiónis offícia, et illum beáta retribútio comitétur,
et nobis gratiæ tuæ dona concíliet. Per Dóminum.
Et fit Commemoratione (P) Ss. Mauritii et Sociórum, MM.
R éspice, quǽsumus, Dómine, múnera, quæ
in sanctórum Mártyrum tuórum Maurítii et sociórum ejus commemoratióne
deférimus: et præsta; ut, quorum honóre sunt grata, eórum nobis fiant
intercessióne perpétua. Per Dóminum.
Praefatio Communis
Postcommunio (P):
D eus, fidélium renumerátor animárum: præsta;
ut, beáti Thomæ Confessóris tui atque Pontíficis, cujus venerándam
celebrámus festivitátem, précibus indulgéntiam consequámur. Per Dóminum.
Et fit Commemoratione (P) Ss. Mauritii et Sociórum, MM.
C æléstibus refécti sacraméntis et gáudiis:
súpplices te rogámus, Dómine: ut, quorum gloriámur triúmphis, protegámur
auxílíis. Per Dóminum.
|
