Die 9 Septembris
S. Petri Claver, Confessóris
Introitus. Ps. cvi: 9-10.
S atiávit Dóminus ánimam inánem: sedéntes in
ténebris et umbra mortis, vinctos in mendicitáte et ferro. (Ps.
ibid. 8) Confiteántur Dómino misericórdiæ ejus: et mirabília ejus
fíliis hóminum. v. Glória Patri.
Satiávit Dóminus.
Oratio.
D eus, qui abréptos in servitútem Nigrítas, ad
agnitiónem tui nóminis. vocatúrus, beátum Petrum mira in eis juvándis
caritáte et patiéntia roborásti: ejus nobis intercessióne concéde; ut, quæ
Jesu Christi sunt quæréntes, próximos ópere et veritáte diligámus. Per
eúmdem Dom.
Oratio in Commemoratióne S. Gorgonii, Martyris
S anctus tuus, Dómine, Gorgónius sua nos
intercessióne lætíficet: et pia fáciat solemnitate gaudére. Per Dóminum.
Is. lviii: 6-10.
Léctio Isaíæ Prophétæ.
Hæc dicit Dóminus Deus: «Dissólve
colligatiónes impietátis, solve fascículos depriméntes: dimítte eos, qui
confrácti sunt, líberos, et omne onus dirúmpe. Frange esuriénti panem tuum,
et egénos vagósque induc in domum tuam: cum víderis nudum, operi eum, et
carnem tuam ne despéxeris. Tunc erúmpet quasi mane lumen tuum, et sánitas tua
cítius oriétur, et anteíbit fáciem tuam justítia tua, et glória Dómini
cólliget te. Tunc invocábis, et Dóminus exáudiet: clamábis, et dicet: Ecce,
adsum. Quia miséricors sum, Dóminus, Deus tuus.»
Graduale.Ps. lxxi: 12-14
L iberábit pauperem a poténte, et páuperem cui
non erat adjútor: parcet páuperi et ínopi, et ánimas páuperum salvas
fáciet. v. Ex usúris et iniquitáte
rédimet ánimas eórum: et honorábile nomen eórum coram illo.
A llelúja, allelúja. (Ps.
ix: 33 et 35) Exsúrge, Dómine Deus, exaltétur manus tua: ne
obliviscáris páuperum: tibi derelíctus est pauper: órphano tu es adjútor.
Allelúja.
Luc. x: 29-37
Sequéntia sancti Evangélii secúndum Lucam.
In illo témpore: Legisperítus quidam volens
justificáre seípsum, díxit ad Jesum: «Et quis est meus próximus?»
Suscípiens autem Jesus, dixit: «Homo quidam descendébat ab Jerúsalem in
Jéricho, et íncidit in latrónes, qui étiam despoliavérunt eum: et plagis
impósitis abiérunt, semívivo relícto. Accídit autem, ut sacérdos quidam
descendéret eadem via, et viso illo præterívit. Simíliter et levíta, cum
esset secus locum, et vidéret eum pertránsiit. Samaritánus autem quidam iter
fáciens, venit secus eum: et videns eum, misericórdia motus est. Et
apprópians, alligávit vúlnera eius, infúndens óleum et vinum: et inpónens
illum in juméntum suum, duxit in stábulum, et curam eius egit. Et áltera die
prótulit duos denários, et dedit stabulário, et ait: ‘Curam illius habe: et
quodcúmque supererogáveris, ego cum redíero, reddam tibi.’ Quis horum trium
vidétur tibi próximus fuísse illi, qui íncidit in latrónes?» At ille dixit:
«Qui fecit misericórdiam in illum.» Et ait illi Jesus: «Vade, et tu fac
simíliter.»
Offertorium. Job xxix: 12-13 at 15-16.
E o quod liberássem páuperem vociferántem, et
pupíllum, cui non esset adjútor, benedíctio peritúiri super me veniébat, et
cor víduæ consolátus sum: óculus fui cæco, et pes claudo: pater eram
páuperum.
Secreta.
C aritátis víctima, quam immolántes offérimus,
sit nobis, Dómine, te miseránte, propitiábilis: et, beáti Petri précibus et
méritis, ad obtinéndum patiéntiæ et caritátis augméntum, éfficax et
salutáris. Per eúmdem Dominum.
Secreta in Commemoratióne S. Gorgonii, Martyris
G rata tibi sit, Dómine, nostræ servitútis
oblátio: pro qua sanctus Gorgónius Martyr intervéntor exsistat. Per Dóminum.
Praefatio Communis
Communio. Ezech. xxxiv: 15-16
E go pascam oves meas: et ego eas accubáre
fáciam, dicit Dóminus Deus. Quod períerat requíram, et quod abjéctum erat
redúcam, et quod confractum fúerat alligábo, et quod infírmum fúerat
consolidábo.
Postcommunio.
C rescat in nobis, Dómine, tuæ pietátis
efféctus salutáris: ut, cælésti pábulo nutríti, ætérnæ vita corónam,
beáto Petro intercedénte, felíciter assequámur. Per Dominum.
Postcommunio in Commemoratióne S. Gorgonii, Martyris
F amíliam tuam, Deus, suávitas ætérna
contíngat et végetat: quæ in Mártyre tuo Gorgónio Christi Filii tui bono
júgiter odóre pascétur: Qui tecum
|