Dominica Vigesima Post Pentecosten Introitus: Dan. iii: 31, 29, et 35 Omnia, quæ fecísti nobis, Dómine, in vero judício fecísti, quia pecávimus tibi, et mandátis tuis non obedívimus: sed da glóriam nómini tuo, et fac nobíscum secúndum multitúdinem misericórdiæ tuæ. [Ps. cxviii, 1] Beáti immaculáti in via: qui ambulant in lege Dómini. Glória Patri. Omnia. Collect: Largíre, quǽsumus, Dómine fidélibus tuis indulgéntiam placátus et pacem: ut páriter ab ómnibus mundéntur offénsis, et secúra tibi mente desérviant. Per Dóminum. 2. ad poscenda suffragia Sanctorum. 3. ad libitum eligenda ad Ephesios v: 15-21 Léctio Epístolæ beáti Pauli Apóstoli ad Ephesios. Graduale Ps. cxliv Oculi ómnium in te sperant, Dómine: et tu das illis escam in témpore opportúno. V. Aperis tu manum tuam: et imples omne ánimal benedictióne. Allelúja, allelúja. [Ps. cvii] Parátum cor meum, Deus, parátum cor meum: cantábo, et psallam tibi, glória mea. Allelúja. Joann. iv: 46-53 + Sequéntia sancti Evangélii secúndum Joánnem. Credo. Offertorium: Ps. cxxxxvi: 1. Super flúmina Babylónis illic sédimus, et flévimus: dum recordarémur tui, Sion. Secreta: Cæléstem nobis prǽbeant hæc mystéria, quǽsumus, Dómine, medicínam: et vita nostri cordis expúrgent. Per Dóminum. 2. ad poscenda suffragia Sanctorum. 3. ad libitum eligenda Communio: Ps. cxviii: 49-50 Moménto verbi tui servo tuo, Dómine, in quo mihi spem dedísti: hæc me consoláta est in humilitáte mea. Postcommunio: Ut sacris, Dómine, reddámur digni munéribus: fac nos, quǽsumus, tuis semper obedíre mandátis. Per Dominum.
|