Orationes Hebdomadae Adventus

Hebdomada I Adventus

Oratio:

Excita, quǽsumus, Dómine, poténtiam tuam, et veni: ut ab imminéntibus peccatórum nostrórum perículis, te mereamur protegénte éripi, te liberante salvari: Qui vivis.

Secreta:

Hæc sacra nos, Dómine, poténti virtúte mundatos, ad suum faciant purióres veníre princípium. Per Dóminum.

Postcommunio:

Suscipiamus, Dómine, misericórdiam tuam in médio templi tui: ut reparatiónis nostræ ventúra solémnia cóngruis honóribus præcedamus. Per Dóminum.

Hebdomada II Adventus

Oratio:

Excita, Dómine, corda nostra ad præparandas Unigéniti tui vias: ut per ejus advéntum, purificatis tibi méntibus servíre mereamur: Qui tecum.

Secreta:

Placare, quǽsumus, Dómine, humilitatis nostræ précibuset hóstiis: et ubi nulla súppetunt suffragia meritórum, tuis nobis succúrre præsídiis. Per Dóminum.

Postcommunion:

Repléti cibo spiritualis alimóniæ, súpplices te, Dómine, deprecamur: ut hujus participatióne mystérii, doceas nos terréna despícere et amare cæléstia. Per Dóminum.

Hebdomada III Adventus

Oratio:

Aurem tuam, quǽsumus, Dómine, précibus nostris accómoda: et mentis nostræ ténebras, gratia tuæ visitatiónis illústra: Qui vivis.

Secreta:

Devotiónis nostræ tibi, quǽsumus, Dómine, hóstia júgiter immolétur: quæ et sacri péragat institúta mystérii, et salutare tuum in nobis mirabíliter operétur.
Per Dóminum.

Postcommunio:

Imploramus, Dómine, cleméntiam tuam: ut hæc divína subsídia, a vítiis expiatos, ad festa ventúra nos præparent. Per Dóminum.

Hebdomada IV Adventus

Oratio:

Excita, quǽsumus, Dómine, poténtiam tuam, et veni: et magna nobis virtúte succúrre; ut per auxíllium gratiæ tuæ, quod nostra peccata præpédiunt, indulgéntia tuæ propitiatións accéleret: Qui vivis.

Secreta:

Sacrifíciis præséntibus quǽsumus, Dómine, placatus intende: ut et devotióni nostræ profíciant, et salúti. Per Dóminum.

Postcommunio:

Sumptis munéribus, quǽsumus, Dómine: ut cum frequentatióne mystérii, crescat nostræ salútis efféctus. Per Dóminum.