Die 21 Octobris Missa Os justi de Communi Abbatum et fit Commemoratio Ss. Ursulæ; vel Missa Loquébar de Communi Vírginum 1° loco et fit Commemoratio S. Hilariónis. Oratio: Intercéssio nos, quǽsumus, Dómine, beáti Hilariónis, Abbátis comméndet: ut, quod nostris méritis non valémus, ejus patrocínio assequámur. Per Dóminum. Oratio pro Ss. Ursula et Sociábus: D a nobis, quǽsumus, Dómine, Deus noster, sanctárum Vírginum et Mártyrum tuárum Ursulæ et Sociárum ejus palmas incessábili devotióne venerári: ut, quas digna mente non póssumus celebráre, humílibus saltem frequentémus obséquiis. Per Dominum.Secreta: S acris altáribus, Dómine, hóstias superpósitas sanctus Hilariónis, Abbas, quǽsumus, in salútem nobis proveníre depóscat. Per Dóminum.Secreta pro Ss. Ursula et Sociábus: I nténde, quǽsumus, Dómine, múnera altáribus tuis pro sanctárum Vírginum et Mártyrum tuárum Ursulæ et Sociáarum ejus festivitáte propósita: ut, sicut per hæc beáta mystéria illis glóriam contulísti; ita nobis indulgéntiam largiáris. Per Dóm.Postcommunio: P rótegat nos, Dómine, cum tui perceptióne sacraménti beátus Hilariónis, Abbas, pro nobis intercedéndo: ut, et conversatiónis ejus experiámur insígnia, et intercessiónis percipiámus suffrágia. Per Dóminum.Postcommunio pro Ss. Ursula et Sociábus: P ræsta nobis, quásumus, Dómine, intercedéntibus sanctis Virgínibus et Martýribus tuis Ursula et Sociábus: ut, quod ore contíngimus, pura mente capiámus. Per Dóminum.
|