Eodem Die 16 Octobris
S. Hedwigis, Viduæ

Missa de Puritátis B. Maríæ Vírgine et commemoratióne S. Hedwigis, vel Missa Cognovi, de Communi non Virginum 2° loco, præter Orationes sequentes:

Oratio (P):

Deus, qui beátam Hedwígem a sǽculi pompa ad húmilem tuæ crucis sequélam toto corde transíre docuísti: concéde; ut ejus méritis et exémplo discámus peritúras mundi calcáre delícias, et in ampléxu tuæ crucis ómnía nobis adversántia superáre: Qui vivis.

Secreta (C):

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóminum.

Praefatio Communis

Postcommunio (C):

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.