Die 7 Octobris
S. Marcii, Papæ et Conf.

Missa Si díligis me, de Communi Summórum Pontíficum.

Oratio (C):

Gregem tuum, Pastor ætérne, placátus inténde: et per betum Marcum Summum Pontíficem, perpétua protectióne custódi; quem totíus Ecclésiæ præstitísti esse pastórem. Per Dóminum.

Oratio (P) Pro Ss. Sergio, Baccho, Marcello, et Apulejo, MM:

Sanctórúm Mártyrum tuórum nos, Dómine, Sérgii, Bacchi, Marcélli et Apuléji beáta mérita prosequántur: et tuo semper fáciant amóre fervéntes. Per Dóminum.

Secreta:

Oblátis munéribus, quǽsumus Dómine, Ecclésiam tuam benígnus illúmina: ut, et gregis tui profíciat ubíque succésus, et grati fiant nómini tuo, te gubernánte, pastóres. Per Dóminum.

Secreta (P) Pro Ss. Sergio, Baccho, Marcello, et Apulejo, MM:

Majestatem tuam nobis, Dómine quǽsumus, hæc hóstia reddat immolánda placátam, tuórum digna postulatióne Sanctórum. Per Dóminum.

Preface of the Apostles

Postcommunio:

Refectióne sancta enutritam gubérna, quǽsumus Dómine, tuam placátus Ecclésiam: ut poténti moderatióne dirécta, et increménta libertátis accípiat et in religiónis integritáte persístat. Per Dóminum.

Postcommunio (P) Pro Ss. Sergio, Baccho, Marcello, et Apulejo, MM:

Sacraméntis, Dómine, muniámur accéptis, et sanctórum Mártyrum tuórum Sérgii, Bacchi, Marcélli et Apuléji intercessióne, contra omnes nequítias irruéntes, armis cæléstibus protegámur. Per Dóminum.