Die 24 Novembris
S. Joannis a Cruce
Conf. et Eccl. Doctoris
III Classis

Missa In medio de Communi Doctórum, et dicitur Credo, præter Orationem ut infra

Oratio:

Deus, qui sanctum Joánnem Confessórem tuum atque Doctorem, perféctæ sui abnegatiónis, et crucis amatórem exímium effecísti: concéde; ut ejus imitatióni júgiter inhæréntes, glóriam assequámur ætérnum. Per Dóminum.

 

Et fit Commemoratio S. Chrysogoni, Martyris:

Adésto, Dómine, supplicatiónibus nostris: ut, qui ex iniquitáte nostra reos nos esse cognóscimus, beáti Chrysogóni Mártyris tui intercessióne liberémur. Per Dóminum.

Secreta:

Sancti Joánnis, Confessóris tui atque Doctóris nobis, Dómine, pia non desit orátio: quæ et múnera nostra concíliet; et tuam nobis indulgéntiam semper obtíneat. Per Dóminum.

Pro S. Chrysogono Secreta:

Oblátis, quǽsumus, Dómine, placare munéribus: et, intercedénte beáto Chrysógono Martyre tuo, a cunctis nos defénde perículis. Per Dóminum.

Postcommunio:

Ut nobis, Dómine, tua sacrifícia dent salútem: beátus Joánnes, Conféssor tuus et Doctor egrégius, quǽsumus, precátor accédat. Per Dominum.

Pro S. Chrysogono Postcommunio:

Tui, Dómine, perceptióne sacraménti, et a nostris mundémur occúltis, et ab hóstium liberémur insídiis. Per Dóminum.