Die 19 Novembris
S. Elízabeth, Viduæ
III Classis

Missa Cognóvi de Communi non Virginum, præter orationem sequentem:

Oratio (P):

Tuórum corda fidélium, Deus miserátor, illústra: et, beatæ Elísabeth précibus gloriósis; fac nos próspera mundi despícere, et cælésti semper consolatióne gaudére. Per Dóminum.

Et fit Commemoratione S. Pontiani, Papæ et Martyre (C):

Gregem tuum, Pastor ætérne, placátus inténde: et per beátum Pontiánum, Mártyrem tuum atque Summum Pontíficem, perpétua protectióne custódi; quem totíus Ecclésiæ præstitísti esse pastórem. Per Dóminum.

Secreta (C):

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóminum.

Pro S. Pontiáno, Secreta (C):

Oblátis munéribus, quǽsumus Dómine, Ecclésiam tuam benígnus illúmina: ut, et gregis tui profíciat ubíque succésus, et grati fiant nómini tuo, te gubernánte, pastóres. Per Dóminum.

Postcommunio (C):

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.

Pro S. Pontiáni, Postcommunio (C):

Refectióne sancta enutritam gubérna, quǽsumus Dómine, tuam placátus Ecclésiam: ut poténti moderatióne dirécta, et increménta libertátis accípiat et in religiónis integritáte persístat. Per Dóminum.