Die 9 Novembris
In Dedicatióne Archibasílicæ Ssmi Salvatóris
Missa Terríbilis de Commune Dedicationis Ecclesiæ,
et in Missis privatis tantum fit Commemoratio S. Theodóri Mártyris, ac dicitur Credo.

Eodem die 9 Novembris,
Pro S. Theodóro, M.
Missa Lætábitur, de Communi unius Mártyris 4° loco cum oratiónibus ut infra.

Oratio:

Deus, qui nobis per síngulos annos hujus sancti templi tui consecratiónis réparas diem, et sacris semper mystériis repræséntas incólumes: exáudi preces pópuli tui, et præsta; ut, quisquis hoc templum benefícia petitúrus ingréditur. cuncta se impetrásse lætétur. Per Dóminum.

Pro S. Theodóro, M (P)

Deus, qui nos beáti Theodóri Mártyris tui confessióne gloriósa circúmdas et prótegis: præsta nobis ex ejus imitatióne profícere, et oratióne fulciri. Per Dóminum.

Credo.

Secreta:

Annue, quǽsumus, Dómine, précibus nostris: ut, dum hæc vota prǽséntia réddimus, ad ætérna prǽmia, te adjuvánte, perveníre mereámur. Per Dóminum.

Secreta Pro S. Theodóro, M (P)

Súscipe, Dómine, fidélium preces cum oblatiónibus hostiárum: et intercedénte beáto Theodóro Mártyre tuo; per hæc piæ devotiónis offícia ad cæléstem glóriam transeámus. Per Dóminum.

Praefatio Communis

Postcommunio:

Deus, qui de vivis et électis lapídibus ætérnum majestáti tuæ prǽparas habitáculum: auxilliáre pópulo tuo supplicánti; ut, quod Ecclésiæ tuæ corporálibus próficit spátiis spirituálibus amplificétur augméntis.. Per Dominum.

Pro S. Theodóro, M (P)

Præsta nobis quǽsumus, Dómine: interdedénte beáto Theodóro Mártyre tuo; ut, quod ore contíngimus, pura mente capiámus. Per Dóminum.