Die 31 Maji
B.M.V. Omnium Gratiarum Mediatricis
[English Text]
Madonna del Soccorso
Giovanni Francesco Ferri
1701-1775
Introitus Hebr. iv: 16.
A deámus cum fidúcia ad thronum grátiæ, ut
misericórdiam consequámur et grátiam inveniámus in auxílio opportúno. (TP Allelúja,
allelúja.) Ps. cxx: 1. Levávi óculos meos
in montes: unde véniet auxílium mihi. Glória Patri. Adeámus cum fidúcia.
Oratio.
D ómine Jesu Christe, noster apud Patrem
mediátor, qui beatíssimam Vírginem, Matrem tuam, matrem quoque nostram et
apud te mediatrícem constitúere dignátus es: concéde propítius; ut,
quisquis ad te benefícia petitúrus accésserit, cuncta se per eam impetrásse
lætétur: Qui vivis et regnas cum eodem Deo Patre.
Is. lv: 1-3 et 5.
Léctio Isaíæ Prophétæ.
Omnes sitiéntes, veníte ad
aquas: et qui non habétis argéntum, properáte, émite et comédite: veníte,
émite absque argénto et absque ulla commutatióne vinum et lac. Quare
appénditis argéntum non in pánibus, et labórem vestrum non in saturitáte?
Audíte audiéntes me, et comédite bonum, et delectábitur in crassitúdine
ánima vestra. Inclináte aurem vestram, et veníte ad me: audíte, et vivet
ánima vestra. Ecce, gentem, quam nesciébas, vocábis: et gentes, quæ te non
cognovérunt, ad te current propter Dóminum, Deum tuum, et sanctum Israël,
quia glorificávit te.
Graduale.Eccli. xxiv: 25-26.
I n me grátia omnis viæ et veritátis, in me
omnis spes vitæ et virtútis. Transíte ad me, omnes, qui concupíscitis me, et
a generatiónibus meis implémini. Allelúja,allelúja.
Salve, Mater misericórdiæ, Mater spei et grátiæ, o María. Allelúja.
Post Septuagesimam, omissis Allelúja et Versu
sequenti,dicitur:
Tractus.Apoc. xxii: 16-17.
E go sum radix et genus David, stella spléndida
et matutína. Et spíritus et sponsa dicunt: Veni; et qui audit, dicat: Veni. Et
qui sitit, véniat; et qui vult, accípiat aquam vitæ gratis.
Tempore autem Paschali omittitur Graduale, et ejus loco
dicitur:
A llelúja,allelúja. Is.
lx: 4. Leva in circúitu oculos tuos, et vide: omnes isti congregáti
sunt, venérunt tibi. Allelúja. Fílii tui de longe vénient, et fíliæ
tuæ de látere surgent. Allelúja.
Joann.xix: 25-27.
Sequéntia sancti Evangélii secúndum Joánnem.
I n illo témpore: Stabant juxta Crucem Jesu
Mater ejus, et soror Matris ejus, María Cléophæ, et María Magdaléne. Cum
vidísset ergo Jesus Matrem, et discípulum stantem, quem diligébat, dicit
Matri suæ: «Mulier, ecce fílius tuus.» Deinde dicit discípulo: «Ecce Mater
tua.» Et ex illa hora accépit eam discípulus in sua.
Credo.
Offertorium. Jer.xviii: 20
R ecordáre, Virgo Mater, in conspéctu Dei, ut
loquáris pro nobis bona, et ut avértat indignatiónem suam a nobis. (T.P.Allelúja.)
Secreta.
M atris tuæ ac mediatrícis nostræ précibus,
Dómine, quǽsumus: hæc hostiárum oblátio nosmetípsos, tua grátia
largiénte, tibi perfíciat munus ætérnum: Qui vivis.
Præfatio de B.Maria Virg. Et te in
Festivitáte.
Communio. Esth. xv: 17.
V alde mirábilis es, o María, et fácies tua
plena est gratiárum. (T.P. Allelúja.)
Postcommunio.
S ubvéniat nobis, Dómine, beátæ Maríæ,
Matris tuæ ac nostræ mediatrícis, orátio: ut per hæc sacrosáncta
commércia, tua grátia largiénte, ad redemptiónis ætérnæ proficiámus
augméntum: Qui vivis et regnas.
|