Regína sacratíssimi Rosárii, ora pro nobis!
  

Die 31 Maji
Beátæ Maríæ Vírginis Regínæ
II Classis

Introitus:

Gaudeámus ómnes in Dómino, diem festum celebrántes sub honóre beátæ Maríæ Vírginis Regínæ: de cujus solemnitáte gaudent Angeli, et colláudant Fílium Dei. (T.P. Allelúja, allelúja). [Ps. xliv: 2] Effúndit cor meum verbum bonum: dico ego carmen meum Regi. v. Glória Patri. Gaudeámus ómnes.

Oratio:

Concéde nobis, quǽsumus, Dómine: ut, qui solemnitátem beátæ Maríæ Vírginis Regínæ nostræ celebrámus; ejus múniti præsídio, pacem in præsénti et glóriam in futuro consequi mereámur. Per Dóminum.

Et , in Missis privitas tantum, fit
Commemoratio S. Petroníllæ, Vírginis:

Exáudi nos, Deus salutáris noster: ut, sicut de beátae PetroníllæVírginis tuæ festivitáte gaudédmus; ita piæ devotiónis erudiámur afféctu. Per Dóminum

Eccli. xxiv: 5, 7, 9-11, 30-31

Léctio líbri Sapiéntiæ.
E
go ex ore Altíssimi prodívi, primogénit ante ómnem creatúram; ego in altíssimis habitávi, et thronus meus in colúmna nubis. In omni terra steti et in omni pópulo, et in omni gente primátum hábui, et ómnium excelléntium et humílium corda virtúte calcávi. Qui audit me, non confúndetur, et qui operántur in me, non peccábunt; qui elúcidant me, vitam ætérnam habébunt.

Allelúja, allelúja. v. Beáta es, Virgo María, quæ sub cruce Dómini sustinuísti. Allelúja v. Nunc cum eo regnas in æternum. Allelúja

Extra tempus Paschale dicitur Graduale: Apoc. xix: 16

Ipse habet in vestiménto et in femóre suo scriptum: «Rex regum, et Dóminus dominántium.» v. [Ps. xliv: 10] Regína adstat ad déxteram ejus, ornáta auro ex Ophir. Allelúja, allelúja. v. Salve, Regína misericórdiae, tu nos ab hoste prótege, et mortis hora súscipe. Allelúja.

Luc. i: 26-33
+

Sequéntia sancti Evangélii secúndum Lucam
In illo témpore: Missus est Angelus Gábriel a Deo in civitátem Galilǽæ, cui nomen Názereth, ad Vírginem desponsátam viro, cui nomen erat Joseph, de domo David, et nomen Vírginis María. Et ingréssus Angelus ad eam, dixit: «Ave grátia plena: Dóminus tecum: benedícta tu in muliéribus.» Quæ cum audísset, turbáta est in sermóne ejus: et cogitábat qualis esset ista salutátio. Et ait Angelus ei: «Ne tímeas, María, invenísti enim grátiam apud Deum: ecce concípies in útero, et páries fílium, et vocábis nomen ejus Jesum. Hic erit magnus, et Fílius Altíssimi vocábitur, et dabit illi Dóminus Deus sedem David patris ejus: et regnábit in domo Jacob in ætérnum, et regni ejus non erit finis.»

Credo

Offertorium:

Regáli ex progénie María exórta refúlget; cujus précibus nos adjuvári, mente et spíritu devotíssime póscimus. (T.P. Allelúja).

Secreta:

Accipe, quǽsumus, Dómine, múnera lætántis Ecclésiæ, et, beátæ Vírginis Maríæ Regínæ suffragántibus meritis, ad nostræ salútis auxílium proveníre concéde. Per Dóminum nostrum.

Pro S. Petronílla: Secreta:

Accépta tibi sit, Dómine, sacrátæ plebis oblátio pro tuórum honóre Sanctórum: quorum se méritis, de tribulatióne percepísse cognóscit auxílium. Per Dóminum.

Præfátio de Beátæ María Vírginis Et te in festivitáte.

Communio:

Regina mundi digníssima, María Virgo perpétua, intercéde pro nostra pace et salúte, quæ genuísti Christum Dóminum, Salvatórem ómnium. (T.P. Allelúja).

Postcommunio

Celebrátis solémniis, Dómine, quæ pro sanctæ Maríæ, Reginæ nostræ, festivitáte perégimus: ejus, quǽsumus, nobis intercessióne fiant salutária; in cujus honóre sunt exsultánter impléta. Per Dóminum.

Pro S. Petronílla: Postcommunio:

Satiásti, Dómine, famíliam tuam munéribus sacris: ejus, quǽsumus, semper interventióne nos réfove, cujus solémnia celebrámus. Per Dóminum.

 



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!