Die 25 Maji
S. Gregorii VII, Papæ et Conf.Missa Si díligis me, de Communi Summi Pontificis, præter Orationes sequentes:
Oratio.
Deus, in te sperántium fortitúdo, qui beátum Gregórium Confessórem tuum atque Pontíficem, pro tuénda Ecclésiæ libertáte, virtúte constántiæ roborásti: da nobis, ejus exémplo et intercessióne, ómnia adversántia fórtiter superáre. Per Dóminum.
Et fit Commemoratio S. Urbani I Papæ et Mart.:
Oratio.Deus, qui Ecclésiam tuam, in apostólicæ petræ soliditáte fundátam, ab infernárum éruis terróre portárum: præsta, quǽsumus; ut, intercedénte beáto Urbáno Mártyre tuo atque Summo Pontífice, in tua veritáte persístens, contínua securitáte muniátur. Per Dominum.
Secreta.
Sancti tui, quǽsumus, Dómine, nos ubique lætíficent: ut, dum eórum mérita recólimus, patrocínia sentiámus. Per Dóminum.
Pro S. Urbano, Secreta.
Múnera, quæ tibi, Dómine, lætántes offérimus, súscipe benígnus, et præsta: ut, intercedénte beáto Urbáno, et témporum tranquillitáte semper exsúltet. Per Dóminum nostrum.
Postcommunio.Præsta, quǽsumus, omnípotens Deus: ut, de percéptis munéribus grátias exhibéntes, intercedénte beáto Gregório Confessóre tuo atque Pontífice, benefícia potióra sumámus. Per Dóminum nostrum.
Pro S. Urbano, Postcommunio.
Multíplica, quæsumus, Dómine, in Ecclesia tua spíritum grátiæ, quem dedísti: ut beáti Urbáni Martyris tui atque Summi Pontíficis deprecatióne nec pastóri oboediéntia gregis nec gregi desit cura pastóris. Per Dóminum.
Eadem die 25 Maji
Pro S. Urbano I, Papa et Martyre
Missa Si díligis me, cum Orationibus I loci,
de Communi Summi Pontificis.
