Die 24 Maji
Beatæ Maríæ Vírginis, Auxílium Christianórum
III Classis

Missa Salve, sancta parens
de Communi Festorum Beatæ Maríæ Virginis

Oratio:

Omnípotens et miséricors Deus, qui ad defensiónem pópuli Christiáni in beatíssima Vírgine María perpétuum auxílium mirabíliter constituísti: concéde propítius; ut, tali præsídio muníti certántes in vita, victóriam de hoste malígno cónsequi valeámus in morte. Per Dóminum.

Secreta:

Pro religiónis christiáne triúmpho hóstias placatiónis tibi, Dómine, immolámus: quæ, ut nobis proficíant, opem auxiliátrix Virgo præstet; per quam talis perfécta est victória. Per Dóminum.

Præfátio de B. María Virg. Et te in Festivitáte.

Postcommunio:

Adésto, Dómine, pópulis, qui participatióne córporis et sánguinis tui reficiúntur: ut, sanctíssima tua Genitríce auxiliánte, ab omni malo et perículo liberéntur, et in omni ópere bono custodiántur. Qui vivis.