Die 18 Maji
S. Venantii,
Martyris

Tempore Paschali Missa Protexísti de Communi Martyrum 1° loco,
vel extra Tempus Paschale Missa In virtúte de Communi unius Martyris 3° loco, præter Oratiónem sequéntem:

Oratio (P):

Deus, qui hunc diem beáti Venántii Mártyris tui triúmpho consecrásti: exáudi preces pópuli tui, et præsta; ut, qui ejus mérita venerámur, fídei constántiam imitémur. Per Dóminum.

Secreta (P):

Hanc oblatiónem, omnípotens Deus, beáti Venántii mérita tibi reddant accéptum: ut, ipsíus subsídiis adjúti, glóriæ ejus consórtes efficiámur. Per Dóminum.

Praefatio Communis

Postcommunio (P):

Súmpsimus, Dómine, ætérnæ vitæ sacraménta te humíliter deprecántes: ut, beáto Venántio Mártyre tuo pro nobis deprecánte, véniam nobis concílient, et grátiam.
Per Dóminum.