Die 18 Junii
S. Ephræm, Diac., Conf., Doct. Eccl.

Missa In medio de Commune Doctorum præter Orationem sequentem, et dicitur Credo.

Oratio (P):

Deus, qui Ecclésiam tuam beáti Ephræm Confessóris tui et Doctóris mira eruditióne et præcláris vitæ méritis illustráre voluísti: te súpplices exorámus; ut, ipso intercedénte, eam advérsus erróris et pravitátis insídias perénni tua virtúte deféndas. Per Dóminum.

Et fit Commemoratione Ss. Marci et Marcelliáni, MM (P):

Præsta, quǽsumus, omnípotens Deus: ut, qui sanctórum Mártyrum tuórum Marci et Marcelliáni natalítia cólimus; a cunctis malis imminéntibus, eórum intercessiónibus liberémur. Per Dóminum.

Secreta (C):

Sancti Ephræm Confessóris tui atque Doctóris nobis, Dómine, pia non desit orátio: quæ et múnera nostra concíliet; et tuam nobis indulgéntiam semper obtíneat. Per Dóminum.

Et fit Commemoratione Ss. Marci et Marcelliáni, MM (P):

Múnera tibi, Dómine, dicata sanctífica: et, intercedentibus sanctis Martyribus tuis Marco et Marcelliáno, per éadem nos placátus inténde. Per Dóminum

Praefatio Communis

Postcommunio:

Ut nobis, Dómine, tua sacrifícia dent salútem: beátus Ephræm Conféssor tuus et Doctor egrégius, quǽsumus, precátor accédat. Per Dominum.

Et fit Commemoratione Ss. Marci et Marcelliáni, MM (P):

Salutáris tui, Dómine, múnere satiáti, súpplices exorámus: ut, cujus lætámur gustu, intercedéntibus sanctis Martýribus tuis Marco et Marcelliáno, renovémur efféctu. Per Dominum.