Die 17 Junii
S. Botolphii, A.,  et S. Gregorii Barbadici, E.C.
III Classis

Missa Os justi de Communi Abbatum

Oratio (C):

Intercéssio nos, quǽsumus, Dómine, beáti Botólphi, Abbátis comméndet: ut, quod nostris méritis non valémus, ejus patrocínio assequámur. Per Dóminum.

de S. Gregorii Oratio (P):

Deus, qui beátum Gregórium Confessórem tuum atque Pontíficem pastoráli sollicitúdine, et páuperum miseratióne claréscere voluísti: concéde propítius; ut, cujus mérita celebrámus, caritátis imitémur exémpla. Per Dóminum.

Secreta:

Sacris altáribus, Dómine, hóstias superpósitas sanctus Botólphus, Abbas, quǽsumus, in salútem nobis proveníre depóscat. Per Dóminum.

de S. Gregorii Secreta (C):

Sancti tui, quǽsumus, Domine, nos ubíque lætíficent: ut, dum eórum mérita recólimus, patrocínia sentiámus. Per Dóminum.

Praefatio Communis

Postcommunio (C):

Prótegat nos, Dómine, cum tui perceptióne sacraménti beátus Botólphus, Abbas, pro nobis intercedéndo: ut, et conversatiónis ejus experiámur insígnia, et intercessiónis percipiámus suffrágia. Per Dóminum.

de S. Gregorii Postcommunio (C):

Præsta, quǽsumus, omnípotens Deus: ut, de percéptis munéribus grátias exhibéntes, intercendénte beáto Gregório, Confessóre tuo atque Pontífice, benefícia potióra sumámus. Per Dóminum.