Die 24 Julii
In Vigilia S. Jacobi, Apóstoli

Missa Ego autem de Communi in Vigiliis Apostolórum.

Oratio:

Da, quǽsumus, omnípotens Deus, ut beáti Jacobi Apostoli tui, quam praevenímus, veneránda solémnitas, et devotiónem nobis áugeat, et salutem. Per Dóminum.

Et fit Commemoratio S. Christinæ, Vírg., et Mart.

Indulgéntiam nobis quǽsumus, Dómine, beáta Christína Virgo et Martyr implóret: quæ tibi grata semper éxstit, et mérito castitátis, et tuæ professióne virtútis. Per Dóminum.

Deinde 3° de S. Maria

Concéde nos fámulos tuos, quæsumus, Dómine Deus, perpétua mentis et córporis sanitáte gaudére: et, gloriósa beátæ Maríæ semper Vírginis intercessióne, a præsénti liberári tristítia, et ætérna pérfrui lætítia. Per Dóminum.

Secreta:

Apostólici reveréntia cúlminis offeréntes, tibi sacra mystéria, Dómine, quǽsumus: ut beati Jacobi Apóstoli tui suffrágiis, cujus natalítia praevenímus; plebs tua semper et sua vota deprómat, et desideráta percípiat. Per Dóminum.

Et fit Commemoratio S. Christinæ, Vírg., et Mart.

Hostias tibi, Dómine, beátæ Christínæ Vírginis et Mártyris tuæ dicátas méritis, benígnus assúme: et ad perpétuum nobis tríbue proveníre subsídium. Per Dóminum.

Deinde 3° de S. Maria

Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem. Per Dóminum.

Preface of the Apostles

Postcommunio:

Sancti Apóstoli tui Jacobi, quǽsumus, Dómine, supplicatióne placátus: et véniam nobis tríbue, et remédia sempitérna concéde. Per Dóminum.

Et fit Commemoratio S. Christinæ, Vírg., et Mart.

Divini múneris largitáte satiáti quǽsumus, Dómine Deus noster: ut, intercedénte beáta Christína Vírginis et Mártyre tua, in ejus semper participatióne vivámus. Per Dominum.

Deinde 3° de S. Maria

Sumptis, Dómine, salútis nostræ subsídiis: da, quǽsumus, beátæ Maríæ semper Vírginis patrocíniis nos úbique prótegi; in cujus veneratióne hæc tuæ obtúlimus majestáti. Per Dominum.