Die 23 Julii
S. Apollinaris, Ep.et Mart.Introitus Dan.iii: 84 et 87.
S
acerdótes Dei, benedícite Dóminum: sancti et húmiles corde, laudáte Deum. Ibid., 57 Benedícite, ómnia ópera Dómini, Dómino: laudáte et superexaltáte eum in sǽcula. Glória Patri. Sacerdótes Dei.Oratio.
D
eus, fidélium remunerátor animárum, qui hunc diem beáti Apollináris Sacerdótis tui martýrio consecrásti: tríbue nobis, quǽsumus, fámulis tuis; ut, cujus venerándam celebrámus festivitátem, précibus ejus indulgéntiam consequámur. Per Dóminum nostrum.Et fit Commemoratio S.Liborii Ep.et Conf. Oratio:
D
a, quǽsumus, omnípotens Deus: ut beáti Libórii Confessóris tui atque Pontíficis veneránda sollémnitas, et devotiónem nobis áugeat et salútem. Per Dóminum nostrum.¶ Si hodie fuerit Sabbatum, in Missis non conventualibus fit Commemoratio Vigiliae anticipatæ S. Jacobi, ut sequenti die notatur, et de ea legitur Evangelium in fine, juxta Rubricas. Deinde fit Commemoratio S.Liborii cum Oratione Exáudi (et respectiva Secreta ac Postcommunione), ex Missa Sacerdotes tui, de Communi Confessoris Pontificis 2° loco.
1 Petri v: 1-11.
Léctio Epístolæ beáti Petri Apóstoli.
Caríssimi: Senióres, qui in vobis sunt, obsecro, consénior et testis Christi passiónum: qui et ejus, quae in futúro revelánda est, glóriæ communicátor: páscite qui in vobis est gregem Dei, providéntes non coácte, sed spontánee secúndum Deum:neque turpis lucri grátia, sed voluntárie: neque ut dominántes in cleris, sed forma facti gregis ex ánimo. Et cum apparúerit princeps pastórum, percipiétis immarcescíbilem glóriæ corónam. Simíliter adolescéntes, súbditi estóte senióribus. Omnes autem ínvicem humilitátem insinuáte: quia Deus supérbis resístit, humílibus autem dat grátiam. Humiliámini ígitur sub poténti manu Dei, ut vos exáltet in témpore visitatiónis: omnem sollicitúdinem vestram projiciéntes in eum, quóniam ipsi cura est de vobis. Sobrii estóte, et vigiláte: quia adversárius vester diábolus tamquam leo rúgiens círcuit, quærens quem dévoret: cui resístite fortes in fide: scientes eándem passiónem ei, quæ in mundo est, vestræ fraternitáti fíeri. Deus autem omnis grátiæ, qui vocávit nos in ætérnam suam glóriam in Christo Jesu, módicum passos ipse perfíciet, confirmábit solidabítque. Ipsi glória et impérium in sǽcula sæculórum. Amen.Graduale Ps. lxxxviii: 21-23
I
nvéni David servum meum, óleo sancto meo unxi eum: manus enim mea auxiliábitur ei, et bráchium meum confortábit eum. v. Nihil profíciet inimícus in eo, et fílius iniquitátis non nocébit ei.
Allelúja,allelúja. Ps. cix: 4 Jurávit Dóminus, et non pœnitébit eum: Tu es sacérdos in ætérnum,secúndum órdinem Melchísedech. Allelúja.Luc. xxii: 24-30
Sequéntia sancti Evangélii secúndum Lucam
I
n illo témpore: Facta est conténtio inter discípulos, quis eórum viderétur esse major. Dixit autem eis Jesus: «Reges géntium dominántur eórum; et qui potestátem habent super eos, benéfici vocántur. Vos autem non sic: sed qui major est in vobis, fiat sicut minor: et qui præcéssor est, sicut ministrátor. Nam quis major est, qui recúmbit, an qui mínistrat? nonne qui recúmbit? Ego autem in médio vestrum sum, sicut qui mínistrat. Vos autem estis, qui permansístis mecum in tentatiónibus meis: et ego dispóno vobis, sicut dispósuii mihi Pater meus regnum, ut edátis et bibátis super mensam meam in regno meo: et sedeátis super thronos, judicántes duódecim tribus Israël.»Offertorium Ps. lxxxviii: 25
V
éritas mea et misericórdia mea cum ipso: et in nómine meo exaltábitur cornu ejus.Secreta.
R
éspice, Dómine, propítius super hæc múnera: quæ pro beáti Sacerdótis et Martyris tui Apollináris commemoratióne deférimus, et pro nostris offensiónibus immolámus. Per Dóminum.Pro S.Liborio Secreta.
S
ancti tui, quǽsumus, Dómine, nos úbique lætíficent: ut, dum eórum mérita recólimus, patrocínia sentiámus. Per Dóminum.Communio Matth. xxv: 20 et 21
D
ómine, quinque talénta tradidísti mihi, ecce, ália quinque superlucrátus sum. Euge, serve bone et fidélis, quia in pauca fuísti fidélis, supra multa te constítuam, intra in gáudium Dómini tui.Postcommunio.
T
ua sancta suméntes, quǽsumus, Dómine, ut beáti Apollináris nos fóveant continuáta præsídia: quia non désinis propítius intuéri, quos tálibus auxíliis concésseris adjuvári. Per Dóminum.Pro S.Liborio Postcommunio.
P
ræsta, quǽsumus, omnípotens Deus: ut, de percéptis munéribus grátias exhibéntes, intercedénte beáto Libório Confessóre tuo atque Pontífice, benefícia potióra sumámus. Per Dóminum.¶ Si hodie fuerit Sabbatum, ubi adest obligatio Chori, lecta post Tertiam extra Chorum Missa de Festo sine Commemoratione Vigiliæ, in Choro post Nonam dicitur Missa de ipsa Vigilia sine Commemoratione Festi, additis in Missa Vigiliæ 2° Oratione de sancta Maria Concéde, et 3° contra persecutores Ecclesiæ, vel pro Papa; ac de Vigilia item legi possunt Missæ privatæ, cum 2 tamen Oratione de S. Apollinare, et 3° de S. Liborio Exáudi (et respectiva Secreta ac Postcommunione), ex Missa Sacerdotes tui, de Communi Confessoris Pontificis 2° loco.
