Die 14 Julii
S. Bonaventuræ
Ep., Conf. et Eccl. Doct.
III Classis

Missa “In médio” de Communi Doctorum cum orationibus ut infra:

Oratio:

Deus, qui pópulo tuo ætérnæ salútis beátum Bonaventúram minístrum tribuisti: præsta, quǽsumus; ut, quem Doctórem vitæ habúimus in terris, intercessórem habére mereámur in coelis. Per Dóminum.

Graduale Ps. xxxvi: 30-31

Os justi meditábitur sapiéntiam, et lingua ejus loquétur judícium. v. Lex Dei ejus in corde ipsíus: et non supplantabúntur gressus ejus.

Allelúja, allelúja. [Ps.cix: 4] Jurávit Dóminus, et non pœnitébit eum: Tu es sacérdos in ætérnum secúndum órdinem Melchísedech. Allelúja.

Offertorium: Ps. lxxxviii: 25.

Véritas mea, et misericórdia mea cum ipso: et in nómine meo exaltábitur cornu ejus.

Secreta:

Sancti Bonaventúræ Confessóris tui atque Pontíficis, quǽsumus, Dómine, ánnua solémnitas pietáti tuæ nos reddat accéptos: ut, per hæc piæ placatiónis offícia, et illum beáta retribútio comitétur, et nobis grátiæ tuæ dona concíliet. Per Dóminum.

Praefatio Communis

Postcommunio:

Deus, fidélium renumerátor animárum: præseta; ut beáti Bonaventúræ Confessóris tui atque pontificis, cujus venerándam celebrámus festivitátem, précibus indulgéntiam consequámur. Per Dóminum.