Die 6 Julii
S. Maríæ Goretti, V.M.
III Classis
Introitus: Ps. cxviii: 95-96
M
e expéctant peccatóres ut perdant me: ad præscrípta tua atténdo: omnis perfectiónis vidi esse términum: latíssime patet mandátum tuum [Ps. ibid., 1] Beáti quorum immaculáta est via ámbulant in lege Dómini. v. Glória Patri. Me expéctant.Oratio:
D
eus, qui fámulæ tuæ Maríæ in ténera ætáte victórium martýrii contulísti: da nobis, quǽsumus, ejus patrocínio in mandátis tuis constántiam: qui dedísti certánti vírgini corónam. Per Dóminum.1 ad Cor. i: 26-29; ii:14
Léctio Epístolæ beáti Pauli Apóstoli ad Corínthios.
Fratres: Vidéte enim vocatiónem vestram, quia non multi sapiéntes secúndum carnem, non multi poténtes, non multi nóbiles, sed quæ stulta sunt mundi elégit Deus, ut confúndat sapiéntes: et infírma mundi elégit Deus, ut confúndat fórtia: et ignobília mundi et contemptibília elégit Deus, et ea quæ non sunt, ut ea quæ sunt destrúeret: ut non gloriétur omnis caro in conspéctu ejus. Animális autem homo non pércipit ea quæ sunt Spíritus Dei stultítia enim est illi, et non potest intellégere, quia spiritáliter examinátur.Graduale Ps. lxx: 4,6
D
eus meus, éripe me de manu iníqui, de pugno impróbi et opressóris. V. A ventre matris meæ eras protéctor meus.A
llelúja, allelúja. v. In te sperávi semper. Tamquam prodígium appárui multis: tu enim fuísti adjútor meus fortis. Allelúja.Joann. xii: 23-25
Sequéntia sancti Evangélii secúndum Joánnem.
+
I
n illo témpore: Dixit Jesus discípulis suis: «Venit hora, clarificétur Fílius hóminis. Amen, amen dico vobis, nisi granum fruménti cadens in terram, mórtuum fúerit, ipsum solum manet: si autem mórtuum fúerit, multum fructum affert. Qui amat ánimam suam, perdet eam: et qui odit ánimam suam in hoc mundo, in vitam ætérnam custódit eam.»Offertorium: Ps. lxxiii: 18.
N
e tradíderis vúlturi vitam túrturis tui, vitam páuperum tuórum noli oblívici in perpétuum.Secreta:
P
lacatiónis tibi hóstiam, Dómine, offérimus, quæ beáta María fámula tua, prima jam ætáte, dídicit corpus suum hóstiam sanctam tibíque placéntem exhibére. Per Dóminum.Communio: Is. xxxiii: 6
T
imor Dómini ipse est thesáurus ejus.Postcommunio:
C
ælésti pane reféctis, da, quǽsumus, Dómine, eum in tuénda córporis et ánimæ castitáte fortitúdinem: quam fámulæ Maríæ mirabíliter contulísti. Per Dominum.
