Die 28 Januarii
S. Petri Nolasci, Confessoris
III Classis

Missa Justus de Communi Confessoris non Pontificis 2° loco cum orationibus ut infra:

Oratio:

Deus, qui in tuæ caritátis exémplum, ad fidélium redemptiónem sanctum Petrum Ecclésiam tuam nova prole fœcundáre divínitus docuísti: ipsíus nobis intercessióne concéde; a peccáti servitúte solútis, in cælésti pátria perpétua libertáte gaudére. Per Dóminum.

 

Et fit Commemoratio S. Agnetis (secundo) Oratio:

Deus, qui nos ánnua beátæ Agnétis Vírginis et Mártyris tuæ solemnitáte lætíficas: da, quǽsumus; ut, quem venerámur offício, étiam piæ conversatiónis sequámur exémplo. Per Dóminum.

Secreta:

Laudis tibi, Dómine, hóstias immolámus in tuórum commemoratióne Sanctórum: quibus nos et præséntibus éxui malis confídimus, et futúris. Per Dóminum.

Et fit Commemoratio S. Agnetis (secundo) Secreta:

Praefatio Communis

Super has, quǽsumus, Dómine, hóstias benedíctio copiósa descéndat: quæ et sanctificatiónem nobis cleménter opperétur, et de Mártyrum nos solemnitáte lætíficet. Per Dóminum

 

Postcommunio:

Refécti cibo, potúque cælésti, Deus noster, te súpplices exorámus: ut, in cujus hæc commemoratióne percépimus, ejus muniámur et précibus. Per Dóminum.

Et fit Commemoratio S. Agnetis (secundo) Postcommunio:

Súmpsimus, Dómine, celebritátis, ánnuæ votíva sacraménta ; præsta, quǽsumus; ut et temporális vitæ nobis remédia prǽbeant et ætérnæ. Per Dóminum.