Regína sacratíssimi Rosárii, ora pro nobis!
  

Die 18 Januarii (Romæ)
et Die 22 Februarii (Antiochiæ)
In Cathedra S. Petri, Apóstoli,

Chair of Unity Octave

Introitus: Eccli. vl: 30

Státuit ei Dóminus testaméntum pacis, et príncipem fecit eum: ut sit illi sacerdótii dígnitas in ætérnum. [Ps. cxxxi: 1] Meménto Dómine, David: et omnis mansuetúdinus ejus. v. Glória Patri. Státuit ei.

Oratio:

Deus, qui beáto Petro Apóstolo tuo, collátis clávibus regni cæléstis, ligándi atque solvéndi pontifícum tradidísti: concéde; ut, intercessiónis ejus auxíllio, a peccatórum nostrórum néxibus liberémur: Qui vivis.

Commemoratio S. Pauli, Apostli

Deus, qui multitúdinem géntium beáti Pauli Apóstoli prædicatióne docuísti: da nobis, quǽsumus; ut, cujus commemoratiónem cólimus ejus apud te patrocínia sentiámus. Per Dóminum.

Die 18 Januarii: Commemoratio S. Prisca, Virg et Mart.

Da, quǽsumus, omnípotens Deus: ut, qui beátæ Priscæ Vírginis et Mártyris tuæ natalítia cólimus: et annua solemnitáte lætémur, et tantæ fídei proficiámus exémplo. Per Dóminum.

1 Petri. i: 1-7

Léctio Epístolæ beáti Petri Apóstoli.
Petrus Apóstolus Jesu Christi, eléctis ádvenis dispersiónis Ponti, Galatiæ, Cappadociæ, Asiæ, et Bithyniæ secúndum præsciéntiam Dei Patris in sanctificatiónem Spíritus in obediéntiam et aspersiónem sánguinis Jesu Christi: grátia vobis, et pax multiplicétur. Benedíctus Deus, et Pater Dómini nostri Jesu Christi, qui secúndum misericórdiam suam magnam regenerávit nos in spem vivam per resurrectiónem Jesu Christi ex mórtuis, in hereditátem incorruptíbilem et incontaminátam et inmarcescíbilem conservátam in cælis in vobis, qui in virtúte Dei custodímini per fídem in salútem parátam revelári in témpore novíssimo. In quo exultábitis, módicum nunc si oportet contristári in váriis tentatiónibus: ut probátio vestræ fídei multo pretiósior auro (quod per ignem probátur) inveniátur in laudem, et glóriam, et honórem in revelatióne Jesu Christi Dómini nostri.

Graduale Ps. cvi: 32, 31

Exáltent eum in Ecclésia plebis: et in cáthedra seniórum laudent eum. v. Confiteántur Dómino misericórdiæ ejus; et mirabília ejus fíliis hóminum.

Allelúja, allelúja. [Matth. xvi: 18] «Tu es Petrus, et super hanc petram ædificábo Ecclésiam meam.» Allelúja.

Post Septuagesima, omissis Allelúja, et Versu sequenti, dicitur
Tractus [Matth. xvi: 18-19]:

«Tu es Petrus et super hanc petram ædificábo Ecclésiam meam. v. Et portæ ínferi non prævalébunt advérsus eam: et tibi dabo claves regni cælórum. v. Quodcúmque ligáveris super terram, erit ligatum et in cælis. v. Et quodcúmque sólveris super terram, erit solútum et in cælis.»

Tempore autem Paschali omittitur Graduale, et ejus loco dicitur:

Allelúja, allelúja. [Ps. cvi: 15] Confiteántur Dómino misericórdiæ ejus; et mirabília ejus fíliis hóminum. Allelúja. [Matth. xvi: 18] Tu es Petrus, et super hanc petram ædificábo Ecclésiam meam. Allelúja.

  Matth. xvi: 13-19

+ Sequéntia sancti Evangélii secúndum Matthǽum.
In illo témpore: Venit Jesus in partes Cæsaréæ Philíppi, et interrogábat discípulos suos, dicens: «Quem dicunt hómines esse Fílium hóminis?» At illi dixérunt: «Álii Joánnem Baptístam, álii autem Elíam, álii vero Jeremíam, aut unum ex prophétis.» Dicit illis Jesus: «Vos autem quem me esse dicitis?» Respóndens Simon Petrus, dixit: «Tu es Christus, Fílius Dei vivi.» Respondens autem Jesus, dixit ei: «Beatus es, Simon Bar Jona: quia caro et sanguis non revelábit tibi, sed Pater meus, qui in cælis est. Et ego dico tibi, quia tu es Petrus et super hanc petram ædificábo Ecclésiam meam, et portæ ínferi non prævalébunt advérsus eam. Et tibi dabo claves regni cælórum. Et quodcúmque ligáveris super terram, erit ligatum et in cælis: et quodcúmque sólveris super terram, erit solútum et in cælis.»

Credo.

Offertorium: Matth xvi: 18-19.

Tu es Petrus et super hanc petram ædificábo Ecclésiam meam, et portæ ínferi non prævalébunt advérsus eam. Et tibi dabo claves regni cælórum.

Secreta:

Ecclésiæ tuæ, quǽsumus, Dómine, preces et hóstias beáti Petri Apóstoli comméndet oratio: ut, quod pro illíus glória celebrámus, nobis prosit ad véniam. Per Dóminum.

Commemoratio S. Pauli, Apóstli

Apóstoli tui Pauli précibus Dómine, plebis tuæ dona sanctífica: ut, quæ tibi tuo grata sunt institúto, gratióra fiant patrocínio supplicántis. Per Dóminum.

Die 18 Januarii: Commemoratio S. Prisca, Virg et Mart.

Hæc hóstia, quǽsumus, Dómine, quam Sanctórum tuórum natalítia recenséntes offérimus, et vincula nostræ pravitátis absólvat, et tuæ nobis misericórdiæ dona concíliet. Per Dóminum

Preface of the Apostles

Communio: Matth. xvi: 18

Tu est Petrus, et super hanc petram ædificábo Ecclésiam meam.

Postcommunio:

Lætíficet nos, Dómine, munus oblátum: ut, sicut in Apóstolo tuo Petro te mirábililem prædicámus; sic per illum tuæ sumámus indulgéntiæ largitétem. Per Dóminum.

Commemoratio S. Pauli, Apostli

Sanctificáti, Dómine, salutári mystério: quǽsumus; ut nobis ejus non desit orátio, cujus nos donásti patrocínio gubernári. (Per Dóminum.)

Die 18 Januarii: Commemoratio S. Prisca, Virg et Mart.

Quǽsumus, Dómine, salutáribus repléti mystériis: ut, cujus solémnia celebrámus, ejus oratiónibus adjuvémur. Per Dóminum.

 



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!