Regína sacratíssimi Rosárii, ora pro nobis!
  

Die 14 Januarii
Sancti Hilarii,
Ep., Conf, et Ecclesiæ Doctoris

Missa In médio, de Communi Doctórum, et fit Commemoratio S. Felicis, Presb. et Mart., ac dicitur Credo.

Oratio:

Deus, qui pópulo tuo ætérnæ salútis beatum Hilárium minístrum tribuísti: præsta, quǽsumus; ut, quem Doctórem vitæ habúimus in terris, intercessórem habére mereámur in cælis. Per Dóminum.

Et fit Commemoratio S. Felicis:

Concede, quǽsumus, omnípotens Deus: ut ad meliórem vitam Sanctórum tuórum exémpla nos próvocent; quátenus, quorum solémnia ágimus, étiam actus imitémur. Per Dóminum.

Secreta:

Sancti Hilárii Pontíficis tui atque Doctóris nobis, Dómine, pia non desit orátio: quæ et múnera nostra concíliet; et tuam nobis indulgéntiam semper obtíneat. Per Dóminum.

Et fit Commemoratio S. Felicis:

Hóstias tibi, Dómine, beáti Felícis Mártyris tui dicátas méritis, benígnus assúme: et ad perpétuum nobis tríbue proveníre subsídium. Per Dóminum.

Postcommunio:

Ut nobis, Dómine, tua sacrifícia dent salútem: beátus Hilárius Póntifex tuus et Doctor egrégius, quǽsumus, precátor accédat. Per Dominum.

Et fit Commemoratio S. Felicis:

Quǽsumus, Dómine, salutáribus, repléti mystériis: ut, beáti Felícis Mártyris tui, cujus solémnia celebrámus, oratiónibus adjuvémur. Per Dóminum.


Eadem die 14 Januarii: 
Pro
S. Felice, Presb. et Mart. 
Missa
Lætábitur de Communi unius Martyris 4° loco, cum oratiónibus ut supra.

 



Dei via est íntegra
Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!