Die
12 Decembris
Dómina
Nostra a Guadalupe
Introitus: Sedulius et Ps. xliv: 2
Salve sancta Parens, eníxa puérpera Regem qui cælum terrámque regit in sæcula sæculórum. (T.P. Allelúja, allelúja) [Ps.] Eructávit cor meum verbum bonum dico ego ópera mea Regi. Glória Patri. Salve.
Oratio:
Deus, qui sub beatíssimæ Vírginis Maríæ singulári patrocínio constitútos, perpétuis benefíciis nos cumulári voluísti: præsta supplícibus tuis: ut cujus hódie commemoratióne lætámur in terris, ejus conspéctu perfruámur in cælis.
2° pro Feria
Ecclesiastes: xxiv
Léctio
libri Sapiéntiæ
Ego quasi vitis fructificávi suavitátem odóris: et flores mei, fructus honóris
et honestátis. Ego mater pulchræ
dilectiónis, et timóris, et agnitiónis, et sanctæ spei.
In me grátia omnes viæ et veritátis: in me omnes spes vitæ et virtútis.
Transíte ad me omnes qui concupíscitis me, et a generatiónibus meis
implémini. Spíritus enim meus super mel dulcis, et heréditas mea super
mel et favum. Memória mea in
generatiónes sæculórum. Qui
edunt me adhuc esúrient: et qui bibunt me adhuc sítient.
Qui audit me, non confundétur: et qui operántur in me, non peccábunt.
Qui elúcidant me, vitam ætérnum habébunt.
Graduale: Cant. vi: 9
Quæ est ista, quæ progréditur quasi auróra consúrgens, pulchra ut luna, elécta ut sol? [Eccli. l: 8] Quasi arcus refúlgens inter nébulas glóriæ, et quasi flos rosárum in diébus vernis
Cant. ii:12
Allelúja, allelúja. Flores apparuérunt in terra nostra, tempus putatiónis advénit. Allelúja.
Post Septuagesima: Tractus
Gaude María Virgo, cunctas hæreses sola interemísti. Quæ Gabriélis Archángeli dictis credidísti. Dum Virgo Deum et hóminem genuísti et post partum Virgo invioláta permansísti Dei Génitrix, intercéde pro nobis.
Tempore autem Paschali: Allelúja
Allelúja, allelúja. Virga Jesse flóruit. Virgo Deum et hóminem génuit; pacem Deus réddidit in se reconcílians ima summis. Allelúja. Ave María, grátia plena: Dóminus tecum benedícta tu in muliéribus. Allelúja.
Luc.
i: 39-47
+ Sequéntia
sancti Evangélii secúndum Lucam.
In illo témpore: Exsúrgens María ábiit in montána cum festinatióne in civitátem Juda: et intrávit in domum Zacharíæ, et salutávit Elísabeth. Et factum est, ut audívit salutatiónem Maríæ Elísabeth, exultávit infans in útero ejus: et repléta est Spíritu Sancto Elísabeth, et exclamávit voce magna, et dixit: «Benedícta tu inter mulíeres, et benedíctus fructus ventris tui. Et unde hoc mihi, ut véniat mater Dómini mei ad me? Ecce enim, ut facta est vox salutatiónis tuæ in áuribus meis exultávit infans in útero meo. Et beáta, quæ credidísti, quoniam perficiéntur ea, quæ dicta sunt tibi a Dómino.» Et ait María: «Magníficat ánima mea Dómino: et exsultávit spíritus meus in Deo salutári meo.»
Credo
Offertorium:
Elégi, et sanctificávi locum istum, ut sit ibi nomen meum, et permáneant óculi mei, et cor meum ibi cunctis diébus.
Secreta:
Tua, Dómine, propitiatióne, et beátæ Maríæ semper Vírginis intercessióne, ad perpétuam atque præséntem hæc oblátio nobis profíciat prosperitátem et pacem.
2°pro Feria
Præfatio BMV in festivitáte
Communio
Non fecit táliter omni natióni: et judícia sua non manifestávit eis.
Postcommunio
Sumptis, Dómine, salútis nostræ subsídiis: da, quæsumus, beátæ Maríæ semper Vírginis patrocíniis nos ubíque prótegi; in cujus veneratióne hæc tuæ obtúlimus majestáti.
2° pro Feria
