Die 20 Augusti
Sancti Bernardi Clarævallensis
Primi Abbatis Clarævallensis et Ecclesiæ Doctoris
Missa
In médio, de Communi Doctórum, præter Orationem sequentem:Oratio:
D
eus, qui pópulo tuo ætérnæ salútis beatum Bernárdum minístrum tribuísti: præsta, quǽsumus; ut, quem Doctórem vitæ habúimus in terris, intercessórem habére mereámur in cælis. Per Dóminum.Et fit Commemoratio Octavæ Assumptionis:
O
mnípotens sempitérne Deus, qui immaculátam Vírginem Maríam, Fílii tui genetrícem, córpore et ánima ad cæléstem glóriam assumpsísti, concéde, quǽsumus, ut, ad supérna semper inténti, ipsíus glóriæ mereámur esse consórtes. Per Dóminum.Eccli xxxix: 6-14
Léctio libri Sapiéntiæ.
Justus cor suum tradet ad vigilándum
dilículo ad Dóminum, qui fecit illum, et in conspéctu Altíssimi
deprecábitur. Apériet os suum in oratióne, et pro delíctis suis
deprecábitur. Si enim Dóminus magnus volúerit, spíritu intelligéntiæ
replébit illum : et ipse tamquam imbres mittet elóquia sapiéntiæ suæ, et in
oratióne confitébitur Dómino: et ipse díriget consílium ejus, et
disciplínam, et in abscónditis suis consiliábitur. Ipse palam fáciet
disciplínam doctrínæ suæ, et in lege testaménti Dómini gloriábitur.
Collaudábunt multi sapiéntiam ejus, et usque in sǽculum non delébitur.
Non recédet memória ejus, et nomen ejus requirétur a generatióne in
generatiónem. Sapiéntiam ejus enarrábunt gentes, et laudem ejus enuntiábit
ecclésia.
Credo.
Secreta:
S
ancti Bernárdi Confessóris tui atque Doctóris nobis, Dómine, pia non desit orátio: quæ et múnera nostra concíliet; et tuam nobis indulgéntiam semper obtíneat. Per Dóminum.Et fit Commemoratio Octavæ Assumptionis:
A
scéndat ad Te, Dómine, nostræ devotiónis oblátio, et, Beatíssima Vírgine María in cælum assúmpta intercedénte, corda nostra, caritátis igne succénsa, ad te júgiter adspírent. Per Dóminum.Præfátio de Beáta María Vírgine
Postcommunio:
U
t nobis, Dómine, tua sacrifícia dent salútem: beátus Bernárdus Conféssor tuus et Doctor egrégius, quǽsumus, precátor accédat. Per Dominum.Et fit Commemoratio Octavæ Assumptionis:
S
umptis, Dómine, salutáribus sacraméntis, da quǽsumus, ut, méritis et intercessióne Beátæ Vírginis Maríæ in cælum assúmptæ, ad resurrectiónis glóriam perducámur. Per Dóminum.