Regína sacratíssimi Rosárii, ora pro nobis!
  

Die 10 Augusti
S. Laurentii, Martyris

Conféssio et pulchritúdo ín conspéctu ejus: sánctitas, et magnificéntia in sanctificatióne ejus. [Ps. ibid: 1] Cantáte Dómino cánticum novum: cantáte Dómino, omnis terra. v. Glória Patri. Conféssio.

Da nobis, quǽsumus, omnípotens Deus: vitiórum nostrórum flammas exstínguere; qui beáto Lauréntio tribuísti tormentórum suórum incéndia superáre. Per Dóminum.

2 Cor ix: 6-10

Léctio Epístolæ beáti Pauli Apóstoli ad Corínthios.
Fratres: Qui parce séminat, parce et metet: et qui séminat in benedictiónibus, de benedictiónibus et metet. Unusquísque prout destinavít in corde suo, non ex tristítia aut ex necessitáte: hílarem enim datórem díligit Deus. Potens est autem Deus omnem grátiam abundáre fácere in vobis, ut in ómnibus semper omnem sufficiéntiam habéntes, abundétis in omne opus bonum, sicut scriptum est: Dispérsit, dedit paupéribus: justítia ejus manet in sǽculum sǽculi. Qui autem admínístrat semen seminanti: et panem ad manducándum praestábit, et multiplicábit semen vestrum, et augébit increménta frugum justítia vestrae.

Probásti, Dómine, cor meum, et visitásti nocte. v. Igne me examinásti et non est invénta in me iníquitas.

Allelúja, allelúja. v. Levita Lauréntius bonum opus operátus est: qui per signum crucis cæcos illuminávit. Allelúja.

+  Sequéntia sancti Evangélii secúndum Joánnem. 
In illo témpore: Dixit Jesus discípulis suis: «Amen, amen dico vobis, nisi granum fruménti cadens in terram, mórtuum fúerit, ipsum solum manet: si autem mórtuum fúerit, multum fructum affert. Qui amat ánimam suam, perdet eam: et qui odit ánimam suam in hoc mundo, in vitam ætérnam custódit eam. Si quís mihi minístrat, me sequátur: et ubi sum ego et minister meus erit. Si quís mihí ministráverit, honorificábit eum Pater meus.»

Conféssio et pulchritúdo ín conspéctu ejus: sánctitas, et magnificéntia in sanctificatióne ejus.

Accipe, quǽsumus, Dómine, múnera dignánter obláta: et beáti Lauréntii suffragántibus méritis, ad nostræ salútis auxílium proveníre concéde. Per Dóminum.

Qui mihi minístrat, me sequátur: et ubi ego sum, illic et miníster meus erit.

Sacro múnere satiáti, súpplices te Dómine deprecámur: ut quod débitæ servitútis celebrámus offício, intercedénte beáto Lauréntio Mártyre tuo, salvatiónis tuæ sentiámus augméntum. Per Dóminum.

Our Lady of the Rosary, 144 North Federal Highway (US#1), Deerfield Beach, Florida 33441  954+428-2428
Authentic  Catholic Mass, Doctrine, and Moral Teaching -- Don't do without them -- 
Don't accept one without the others!