Die 1 Majii
S. Joseph Opificis
Introitus: Sap. 10:17
Sapiéntia
réddidit iustis mercédem labórum suórum, et dedúxit illos in via mirábili, et
fuit illis in velaménto diéi et in luce stellárum per noctem, allelúia, allelúia.
Ps 126:1 . Nisi Dóminus aedificáverit domum,
in vanum labórant qui aedíficant eam. v.
Gloria Patri. Sapiéntia réddidit.
Oratio:
Rerum
cónditor Deus, qui legem labóris humáno géneri statuísti: concéde propítius; ut,
sancti Ioseph exémplo et patrocínio, ópera perficiámus quae praecipis, et
praemia consequámur quae promíttis. Per Dominum
Col. 3:14-15,
17, 23-24
Léctio Epístolae beáti Pauli Apóstoli ad Colossénses.
Fratres: Caritátem
habéte, quod est vínculum perfectiónis, et pax Christi exsúltet in córdibus
vestris, in qua et vocáti estis in uno córpore, et grati estóte. Omne quodcúmque
fácitis in verbo aut in ópere, ómnia in nómine Dómini Iesu Christi, grátias
agéntes Deo et Patri per ipsum. Quodcúmque fácitis, ex ánimo operámini sicut
Dómino, et non homínibus, sciéntes quod a Dómino accipiétis retributiónem
hereditátis. Dómino Christo servíte.
Allelúia,
allelúia. De quacúmque tribulatióne clamáverint ad me, exáudiam eos, et ero
protéctor eórum semper. Allelúia. v.
Fac nos innócuam, Ioseph, decúrrere vitam: sitque tuo semper tuta patrocínio.
Allelúia.
Matt 13:54-58
X
Sequéntia sancti Evangélii secúndum Matthǽum.
In
illo témpore: Véniens Iesus in pátriam suam, docébat eos in synagógis eórum, ita
ut miraréntur et dícerent: «Unde huic sapiéntia haec et virtútes? Nonne hic est
fabri fílius? Nonne mater eius dícitur María, et fratres eius Iacóbus et Ioseph
et Simon et Iudas? Et soróres eius nonne omnes apud nos sunt? Unde ergo huic
ómnia ista?» Et scandalizabántur in eo. Iesus autem dixit eis: «Non est prophéta
sine honóre nisi in pátria sua et in domo sua.» Et non fecit ibi virtútes multas
propter incredulitátem illórum. Credo.
Offertorium: Ps 89:17
Bónitas
Dómini Dei nostri sit super nos, et opus mánuum nostrárum secúnda nobis, et opus
mánuum nostrárum secúnda, allelúia.
Secreta:
Quas
tibi, Dómine, de opéribus mánuum nostrárum offérimus hóstias, sancti Ioseph
interpósito suffrágio, pignus fácias nobis unitátis et pacis.Per Dominum.
Praefatio
de S. Ioseph
Communio: Matt 13:54-55
Unde
huic sapiéntia haec et virtútes? Nonne hic est fabri fílius? Nonne mater eius
dícitur María? Allelúia.
Postcommunio:
Quǽsumus,
Dómine, salutáribus repléti mystériis: ut, quorum solémnia celebrámus, eórum
oratiónibus adjuvémur. Per Dóminum.
